Abhole z Wimmis · Ufsteue i füf Minute

Ä Fotobox für
dis Fescht

La dini Gescht a dim Fescht spassigi Föteli la mache. Die chöi när entweder mitem integrierte Drucker im Postcharteformat usdruckt, übere QR-Code ufds Handy abeglade oder ir Online-Galerie agluegt u abeglade wärde. Du muesch nüt chönne: eifach ufsteue, istecke u los geits.

Hie bueche

Was si cha

Das isch aus im Priis inbegriffe

Drucke am Fescht

Foto mache, uf Drucke klicke, ds fertige Biudli i dr Hand.

Diräkt ufds Handy abelade

Für jedes Biud gits ä QR-Code diräkt ar Fotobox. Mit däm chame z Foto diräkt ufds Handy abelade. Ke App, kes Konto.

Online-Galerie

Aui Biuder lande automatisch i dire private Galerie. Dä Link chasch im Gruppechat teile, so chöi aui Föteli o nachem Fescht no agluegt u abeglade wärde.

Aus abelade

Nach em Fescht ei Klick: aui Biuder i vouer Uflösig i eim ZIP. Ke Kompression, kes Wasserzeiche, kes Konto nötig.

Profi-Qualität

Canon-Spiegureflexkamera u Profi-Blitz sorge für gstoche scharfi u hochuflösendi Biuder mit 18 Megapixel.

Requisite inklusive

E Chischte mit Spass-Schiuder u Fotobuech-Zuebehör isch geng derby. So cha diräkt am Fescht äs physischs Fotobuech mit de schönste Erinnerige entstah.

Zuegriff ufd Biuder

Drü Wäge zu de Biuder

📸
💃
Anna & Beat · 15.08.2026

1 · Uf Papier, sofort

Diräkt vor Fotobox la usdrucke. D Gescht chläbes iz Fotobuech oder nähmes mit hei. Jedes Foto cha beliebig oft druckt wärde.

Scanne – u ds Biud isch uf em Handy.

2 · Diräkt ufds Handy

Am Biudschirm chunnt für jedes Biud ä QR-Code. Scanne, abspeichere, ke App, kes Konto.

galerie.fotobox-wimmis.ch
🎈🕺🥂😎💐🎂👯🎤✨
248 Biuder · Aus abelade (ZIP)

3 · Galerie & Komplett-Download

E privati Online-Galerie für aui. Jedes Biud einzeln oder ds ganze Fescht i eim ZIP, i vouer Uflösig u ohni Wasserzeiche.

So loufts

I vier Schritt zur Fotobox u zrügg

  1. 1

    Datum uswähle

    Im Kalender luege, was frei isch u d Aafrag abschicke. Duuret zwe Minute.

  2. 2

    Bestätigung

    I mäude mi innert 24 Stund mit dr Bestätigung, dr Abholziit u dr gnaue Adrässe z Wimmis.

  3. 3

    Abhole u fiire

    Box abhole, churzi Ifüehrig, ufsteue. Dr Rescht macht ds Fescht vo säuber.

  4. 4

    Zrügg bringe

    Box zrüggbringe, Depot zrügg überchoo.

Priis

Ei Priis. Aus drin.

Eis Fescht

Abhole am Namittag, am nächschte Vormittag wieder zrügg.

CHF239.–

pro Aalass

  • D Fotobox komplett startklar
  • Über Nacht bi dir – ke Stress am Fescht
  • 100 Usdrück im Priis inbegriffe
  • Online-Galerie 60 Täg verfüegbar
  • QR-Download für aui Gescht
  • Ifüehrig bi dr Abholig (zäh Minute)
Datum aafrage
Am meischte gwäut

Ds ganze Wucheänd

Für Hochziite, Jubiläe oder wes eifach länger geit.

CHF349.–

Friti bis Sunnti

  • Aus vom Tages-Paket
  • Friti Namittag bis Sunnti Aabe
  • 200 Usdrück im Priis inbegriffe
  • Online-Galerie 90 Täg verfüegbar
Datum aafrage

Verbruchsmaterial gemäss Paket isch im Priis inbegriffe. Wes meh brucht, chunnt das no obedruf (CHF 30.- pro 100 Stück). Zahlig u Depot CHF 400 bar oder mit TWINT bir Abholig – das überchunnsch bi dr Rückgab wieder zrügg.

Hingergrund

Ä Hingergrund macht us jedem Foto äs Biud

Schöni natürlichi Hingergründ si am beschte, das geit aber mängisch nid. Drum hani Hingergrundfolie (3x2m) mit passendem Ständer zur Uswau wod bi Bedarf chasch derzue bueche.

Holzwand mit Lichterchötti

Holzwand mit Lichterchötti

Warms Altholz, Glüehbirne u Efeu. Passt zu Hochziite u Gartefescht.

Goldvorhang

Goldvorhang

Grosse Uftritt: goldigi Vorhäng u Konfetti wie uf ere Bühni.

Goldräge uf Schwarz

Goldräge uf Schwarz

Schwarz mit goldigem Glitzerräge. Elegant für Bäu u Silveschter.

Goldstoub

Goldstoub

Fiine Gold- u Silberstoub uf Schwarz. Ruhig, aber nid langwiilig.

Häus Holz mit Glitzer

Häus Holz mit Glitzer

Häui Bretter mit wiisse Liechtpünkt. Fründlech u zytlos.

Rouchwulche

Rouchwulche

Dunkli Wulche mit warmem Liecht. Dramatisch für Portrait.

Buechigskaländer

Wenn wosch fiire?

Wäu dis Datum, füu z Formular us u i mäude mi innert 24 Stund.

–
  • frei
  • Aafrag offe
  • nid verfüegbar
Was bruchsch?
Gwäuts Datum No nüt gwäut – klick im Kalender ufne Tag.

Unverbindlech. Erscht mit mire Bestätigung isch ds Datum reserviert. Dini Date bruche i nume für die Buechig.

Spiuregle

Dass aui wüsse, was Sach isch.

Reservation & Bestätigung

Dini Aafrag isch no ke fixi Buechig. I mäude mi innert 24 Stund, erscht mit mire Bestätigung isch ds Datum für di reserviert.

Abholig & Rückgab

D Fotobox wird z Wimmis abgholt u dert wieder zrüggbracht. Dr Transport isch Sach vom Mieter, si passt i jedes Outo, wiegt aber öppe 25 Kilo.

Depot u Identifikation

D Hardware vor Fotobox isch sehr tüür. Drum bruchi bidr Abholig CHF 400 Depot, bar oder mit TWINT und äs Foto vo dire Identitätskarte oder dim Füehrerschyn.

Du bisch dr Gaschtgäber

D Box isch uf di buechet. Was dini Gescht dermit aastelle, louft über di! Aber mach der ke Chopf: bi tuusige Föteli isch no nie öppis passiert. D Lüt gäbe sorg derzue. Wed aus ganz wider zrüggbringsch ischder z Depot sicher.

Strom, Platz u Ufstellig

D Box brucht e normali Steckdose (230 V) u ä stabile Ort zum ufsteue z.B. ä gnue höche Tisch. Äs git kes Stativ derzue. Dinne oder ungerem Dach. Räge u Fotobox si keni Fründe.

Biuder & Privatsphäre

D Biuder ghöre dir. D Galerie isch nume mit dim persönleche Passwort erreichbar u wird nach dr abgmachte Ziit automatisch glöscht. I luege nüt aa u gibe nüt wiiter. Aui Date wärde uf mim private Server ir Schwiz gspicheret.

Hüfigi Frage

Das wosch vilich no wüsse

Mues i öppis chönne?

Nei. Stecker iine, fertig. Eifach dr Drucker muesch bi Bedarf säuber mit Papier u Toner fülle. Bi dr Abholig zeig i dr aus i zäh Minute – s isch würklech eifach.

Wie lang geit ds Ufsteue?

Öppe füf Minute. Geeignete Platz finge, ufsteue, Strom aschliesse, fertig.

Wie lang isch d Galerie online?

Sächzg Täg bim Tages-Paket, nüünzg bim Wucheänd-Paket. Uf Wunsch verlängere mer.

Bruche mer Internet am Fescht?

Fürds Drucke nid. Füre QR-Download u ds Ufelade i d Galerie isch WLAN nötig. Alternativ via Handynetz, das choschtet aber CHF 30 extra.

Geit das o churzfrischtig?

Frag eifach aa. Wenn ds Datum im Kalender grüen isch, geit das meischtens.